उर्लाबारी, २ भदौ/अरनिको हस्पिटलले बिहीबार उर्लाबारी नगरपालिका वडा नं.९ को कार्यालयलाई एक एक थान कम्पयुटर र प्रिन्टर सहयोग प्रदान गरेको छ।
हस्पिटलका अध्यक्ष लोलिम पोमुले कार्यालयमै पुगेर उक्त सामग्री सहयोग उपलब्ध गराएका हुन् ।
हस्पिटलले वडा नं.७ को कार्यालयलाई पनि एक थान कम्पयुटर सहयोग गरेको छ ।
हस्पिटलले उर्लाबारी-७ वरगाछी सरसफाई समूहलाई पनि ५० थान टिशर्ट सहयोग गरेको छ ।
हस्पिटलले यस वर्ष करिब चार लाख रुपैयां बराबरको सहयोग गरेको अध्यक्ष पोमुले जानकारी दिए ।
यसअघि हस्पिटलले उर्लाबारी र पथरीमा मोची पेशा गर्दैआएका १२ जनालाई ठूलो खालको छाता र ज्याकेट सहयोग गरेको थियो ।
त्यसैगरी सो हस्पिटलले इलाका प्रहरी कार्यालय उर्लाबारीलाई ३२ ईन्चको दुई थान टेलिभिजन, दुई थान स्टेण्ड फेन र आठ थान सिलिंग फेन सहयोग प्रदान गरेको थियो ।
हस्पिटलले निकट भविष्यमै उर्लाबारी नगरपालिकालाई पनि सहयोग गर्ने जनाइएको छ ।
